ՀՀ Արարատի մարզի Արտաշատ համայնքի Լանջազատ բնակավայրում լույս աշխարհ են եկել 44–օրյա պատերազմում անմահացած հերոսներ Ռազմիկ Մախմուրյանի և Գևորգ Բաբաջանյանի եղբայրն ու քույրը։ Տեղեկությունը հայտնում է Արարատի մարզպետարանի մամուլի ծառայությունը։
«44-օրյա պատերազմից տարիներ անց Արտաշատ համայնքի Լանջազատ բնակավայրում անմահացած հերոսներ Ռազմիկ Մախմուրյանի և Գևորգ Բաբաջանյանի ընտանիքներում լույս աշխարհ են եկել Ռազմիկի եղբայրը՝ փոքրիկ Ռազմիկն ու Գևորգի քույրը՝ Լիլիթը»,– նշված է մարզպետարանի հաղորդագրության մեջ:
Նշվում է, որ ընտանիքներին այցելել են և շնորհավորել Արարատի մարզպետ Սեդրակ Թևոնյանն ու Արտաշատ համայնքի ղեկավար Կառլեն Մկրտչյանը։
