Մոսկվայի մետրոյի ուղևորը հունվարի 9-ի երեկոյան աղջիկ է ծննդաբերել «Նագատինսկայա» կայարանում: Այս մասին, ինչպես փոխանցում է РИА Новости-ն, հայտնում է մայրաքաղաքի տրանսպորտի վարչության Telegram ալիքը։
«Շատ լավ և անսպասելի լուր ունենք։ «Նագատինսկայա» մետրոյի կայարանում այսօր երեկոյան աղջիկ է ծնվել, ուղևորին օգնել է կայարանի հերթապահ Սերգեյ Բարանովը, որը գործել է ըստ հրահանգների»,- ասվում է հաղորդագրության մեջ։
Նշվում է, որ երեխան ծնվել է մինչ շտապօգնության ժամանելը, իսկ երեխայի ու մոր հետ ամեն ինչ կարգին է։
