Տոկիոյի Հանեդա օդանավակայանում թռիչքուղու վրա Japan Airlines ընկերության մարդատար ինքնաթիռին բախված օդանավում գտնվող վեց հոգուց հինգը զոհվել են, հայտնում է NHK-ը՝ հղում անելով Տոկիոյի ոստիկանական բաժանմունքին։ Այս մասին փոխանցում է РИА Новости-ն։
Սկզբում հայտնի է դարձել չորս մարդու մահվան, սակայն մի քանի րոպե անց հայտնել են ևս մեկ մահվան մասին։
Նշենք, որ Տոկիոյի Հանեդա օդանավակայանում թռիչքուղու վրա Japan Airlines ընկերության մարդատար ինքնաթիռը բախվել է մեկ այլ օդանավի, որի արդյունքում հրդեհ է բռնկվել։
Ճապոնիայի առափնյա պահպանության ծառայության հրամանատարության տվյալների համաձայն՝ ինքնաթիռը բախվել է իր DHC-8 ռազմատրանսպորտային ինքնաթիռին, որը պատրաստվում էր մեկնել նախօրեին տեղի ունեցած երկրաշարժերից տուժած շրջաններ՝ առաջին անհրաժեշտության պարագաներ հասցնելու։
Ճապոնիայի հանրային հեռուստատեսության հրապարակած կադրերից պարզ է դառնում, որ հրդեհը բռնկվել է ինքնաթիռի վայրէջքի ժամանակ։
Տեսանյութը՝ մեր տելեգրամյան ալիքում։
