Առատ ձյան պատճառով Վրաստանի Տարածաշրջանային զարգացման և ենթակառուցվածքների նախարարության ավտոճանապարհների դեպարտամենտը որոշել է փակել դեպի Հայաստանի և Թուրքիայի հետ սահմաններ տանող ճանապարհները կցորդով և կիսակցորդով մեքենաների համար։ Այս մասին, ՏԱՍՍ-ի փոխանցմամբ, հայտնում է գերատեսչության մամուլի ծառայությունը։
«Առատ ձյան և մերկասառույցի պատճառով արգելվել է կցորդիչով և կիսակցորդիչով տրանսպորտային միջոցների երթևեկությունը Խաշուրի–Ախալցխա–Վալե (Թուրքիայի հետ սահման–խմբ.) և Ախալցխա– Նինոծմինդա (Հայաստանի հետ սահման–խմբ.) միջազգային նշանակության ավտոմոբիլային ճանապարհներին»,– ասված Է հաղորդագրության մեջ:
Նշվում է, որ նշված մայրուղիներում արգելվում է 30 և ավելի նստատեղ ունեցող ավտոմոբիլային տրանսպորտի երթևեկությունը:
