Ռուսական կողմը, անշուշտ, դատապարտում է հոկտեմբերի 7-ին Իսրայելի նկատմամբ ՀԱՄԱՍ-ի գործողությունները, սակայն մենք չենք կարող աչք փակել Գազայի հատվածի գնդակոծության վրա, տեսակոնֆերանսի ժամանակ ասել է ՄԱԿ-ում Ռուսաստանի մշտական ներկայացուցչի առաջին տեղակալ Դմիտրի Պոլյանսկին։ Այս մասին հայտնում է ՏԱՍՍ-ը։
«Մենք, անշուշտ, դատապարտում ենք այն, ինչ արվել է Իսրայելի դեմ հոկտեմբերի 7-ին, դա չի կարող արդարացում ունենալ», – ասել է դիվանագետը։
Միևնույն ժամանակ, նա նշել է, որ ՄԱԿ-ի Անվտանգության խորհրդում ՀԱՄԱՍ-ի գործողությունների դատապարտումը պետք է հավասարակշռված լինի, որպեսզի « գնահատականը չլինի միակողմանի և անհավասարակշիռ»։
«Մենք չենք կարող փակել մեր աչքերը այն ամենի վրա, ինչ տեղի է ունենում այնտեղ, մենք պետք է բացարձակ ազնիվ լինենք»,- հավելել է Պոլյանսկին։
