Իսրայելը պահանջում է ներողություն խնդրել ՄԱԿ-ից, որը տարիներ շարունակ Համասին թույլ է տվել Գազայի հատվածում «ռազմական մեքենա» կառուցել։ Այսպիսի հայտարարություն է արել ՄԱկ-ում Իսրայելի մշտական ներկայացուցիչ Գիլադ Էրդանը։
«Մենք պահանջում ենք ներողություն խնդրել: ՄԱԿ-ը և որոշ անդամներ (ՄԱԿ-ի Անվտանգության խորհրդում) արագ ընդունեցին ԴԱԻՇ-ի (Իրաքի և Շամի իսլամական պետություն) նման ահաբեկիչների ստերը և հրաժարվեցին ճանաչել օրինապաշտ ժողովրդավարության ապացույցները: Դուք պետք է ներողություն խնդրեք, ներողություն խնդրեք, որ երբեք նիստ չեք գումարել, երբ ՀԱՄԱՍ-ի հրթիռները միտումնավոր արձակվեցին իսրայելական հիվանդանոցների վրա: Ներողություն խնդրեք տարիներ շարունակ ձեր գլուխը ավազի մեջ թաղելու համար, մինչդեռ ՀԱՄԱՍ-ն ազատորեն կառուցում էր իր ռազմական մեքենան Գազայում»,- ասել է նա ՄԱԿ-ի Անվտանգության խորհրդի նիստում, որը գումարվել է Գազայի հատվածի Ալ-Ահլի հիվանդանոցի վրա հարձակման կապակցությամբ։
Հանդիպումն անցկացվում է Ռուսաստանի, Չինաստանի և Արաբական Միացյալ Էմիրությունների նախաձեռնությամբ։
Էրդանն անհասկանալի է համարել, որ ՄԱԿ-ի Անվտանգության խորհուրդը դեռ չի դատապարտել ՀԱՄԱՍ-ի հարձակումը հրեական պետության վրա։
