ՌԴ նախագահ Վլադիմիր Պուտինն ասել է, թե ինչ է քննարկել Ադրբեջանի նaխագահ Ալիևի հետ Բիշքեկի հանդիպմանը:
Ռուսաստանի նախագահ Վլադիմիր Պուտինը նշել է տրանսպորտային ենթակառուցվածքների զարգացման կարևորությունը։
Նրա խոսքով, նախորդ օրը ինքը այդ հարցը քննարկել է Ադրբեջանի նախագահ Իլհամ Ալիեւի հետ։ «Երեկ ես և Ադրբեջանի նախագահ Իլհամ Հեյդարովիչը (Ալիևը-խմբ․) մանրամասն խոսեցինք մեր ծրագրերի մասին, այդ թվում՝ երկաթուղային ցանցի և ճանապարհների զարգացման մասին։ «Այս ամենն ունի լուրջ և ոչ միայն տարածաշրջանային, այլ միջազգային նշանակություն՝ բառիս բուն իմաստով, և, իհարկե, կնպաստի ամբողջ տնտեսության զարգացմանը»,- նշեց նա։
Պուտինը հայտարարել է նաև, որ վերջին երեք տարիների ընթացքում ռուսական կողմը զգալի ջանքեր է գործադրել Լեռնային Ղարաբաղում հակամարտության սրումը կանխելու և ռազմական գործողությունները դադարեցնելու համար։
«Այս ամբողջ ընթացքում եռակողմ` Ռուսաստան-Ադրբեջան-Հայաստան ձևաչափում տարվել է քրտնաջան աշխատանք՝ ուղղված երկու մայրաքաղաքների՝ Բաքվի և Երևանի միջև հարաբերությունների կարգավորմանը», – նշել է ՌԴ նախագահը։
Բացի այդ, նրա խոսքով, ռուս խաղաղապահները բարեխղճորեն կատարել են իրենց առաքելությունը ԼՂ-ում այն լիազորությունների շրջանակում, որոնք ունեին։
