Պաղեստինյան ՀԱՄԱՍ շարժման հարձակումների հետևանքով իսրայելցի զոհերի թիվը հասել է ավելի քան 600-ի, իսկ վիրավորներինը ավելի քան 2 հազարի։
«Արմենպրես»-ի հաղորդմամբ՝ այս մասին փոխանցում է ՏԱՍՍ-ը՝ հավելելով, որ միաժամանակ ՌԴ-ում Իսրայելի դեսպանը հայտնել է 350 իսրայելցիների մահվան և 1800-ի վիրավորվելու մասին:
Ըստ Պաղեստինի առողջապահության նախարարության տարածած հաղորդագրության՝ Գազայի հատվածի վրա իսրայելական հարձակումների հետևանքով զոհվել է 320 պաղեստինցի, այդ թվում՝ 20 երեխա, ևս 1900 մարդ վիրավորվել է ։
Պաղեստինյան WAFA լրատվական գործակալությունը, իր հերթին, հայտնում է, որ զոհերի թիվը հասել է 250-ի։
Ավելի վաղ ՄԱԿ-ը հայտարարել է, որ Իսրայելի հարվածների պատճառով Գազայի 20 հազար բնակիչներ լքել են իրենց տները։
