Ռուսաստանը Երևանի պահանջով սկսել է Հայաստան մատակարարել 15 հազար տոննա բենզին և 20 հազար տոննա դիզվառելիք։ Այս մասին հայտնում է ՌԴ ԱԳՆ-ն, փոխանցում է ՏԱՍՍ-ը։
«Ի պատասխան Հայաստանի ղեկավարության հորդորի՝ Ռուսաստանը սկսել է մատակարարել հանրապետությանը անհրաժեշտ նավթամթերքը, խոսքը 15 հազար տոննա բենզինի և 20 հազար տոննա դիզելային վառելիքի մասին է։ Ինչպես հայտնի դարձավ գործընկերների խնդրանքից, Հայաստանում այս ոլորտում իրավիճակը լավ չէ»,- նշել են ՌԴ ԱԳՆ-ում։
Նշվում է, որ Հայաստանը ընտրել է ընթացիկ տարվա համար հաստատված հաշվեկշիռը։ «Առջևում աշուն-ձմեռ շրջանն է, Ռուսաստանի աջակցությունը կլինի շատ տեղին և օգտակար»,- հավելել են ՌԴ ԱԳՆ-ում։
Ռուսական դիվանագիտական ծառայությունը պարզաբանել է, որ Մոսկվան «իր դաշնակիցներին ընդառաջում է 2013 թվականի դեկտեմբերին ստորագրված համապատասխան միջկառավարական համաձայնագրի շրջանակներում», չնայած սեպտեմբերի 21-ին ՌԴ կառավարության կողմից երկրից առևտրային բենզինի և դիզվառելիքի արտահանման ժամանակավոր արգելքի սահմանմանը։
