Ընտրական օրենսգիրք սահմանադրական օրենքի 19-րդ հոդվածը սահմանում է «նախընտրական քարոզչություն» հասկացությունը:

Iravaban.net-ը հայտնում է՝ նախընտրական քարոզչության ժամանակահատվածը օրենսգրքով սահմանված այն ժամանակահատվածն է, որի ընթացքում ընտրություններին մասնակցող կուսակցություններին, թեկնածուներին հավասար հնարավորություններ ապահովելու նպատակով գործում են հանրային ռեսուրսներից օգտվելու, քարոզչություն իրականացնելու և ֆինանսական թափանցիկությունն ապահովելու` սույն օրենսգրքով սահմանված կանոնները:

Քվեարկության և դրան նախորդող օրը քարոզչությունը հրապարակային ելույթների, հրապարակային միջոցառումների, ինչպես նաև տպագիր մամուլի, վերգետնյա եթերային հեռարձակում իրականացնող ռադիոընկերությունների և հեռուստաընկերությունների (այդ թվում` արբանյակային հեռարձակման ժամանակ) միջոցով արգելվում է:

Այս օրը հաճախ անվանում են նաև «լռության օր», որի ընթացքում քաղաքացին պետք է որոշի՝ ում ընտրել:

Նախընտրական քարոզչության ժամանակահատվածը սկսվել է ընտրություններին մասնակցող կուսակցությունների ընտրական ցուցակների, թեկնածուների գրանցման համար սույն օրենսգրքով սահմանված ժամկետի վերջին օրվան հաջորդող 7-րդ օրը և ավարտվում քվեարկության օրվանից մեկ օր առաջ:

Երևանի ավագանու ընտրություններին մասնակցող կուսակցություններն ու դաշինքները՝ ըստ համարների.

1. «Հանրային ձայն» կուսակցություն,
2. «Քաղաքացիական պայմանագիր» կուսակցություն,
3. «Արդար Հայաստան» կուսակցություն,
4. «Հաղթանակ» կուսակցություն,
5. «Ուժը հայրենյաց» կուսակցություն,
6. Հայաստանի եվրոպական կուսակցություն,
7. «Ազգային առաջընթաց» կուսակցություն,
8. «Հանուն սոցիալական արդարության» կուսակցություն,
9. «Հանրապետություն» կուսակցություն,
10. «Միացյալ Հայաստան» կուսակցություն,
11. «Լուսավոր Հայաստան» կուսակցություն,
12. «Ժողովրդավարական համախմբում» կուսակցություն,
13. «Ապրելու երկիր» կուսակցություն,
14. «Մայր Հայաստան» կուսակցությունների դաշինք։