30 տարի մսի պասաժներով գործող Մերգելյանի այգին վերջապես այս տարվա ընթացքում կստանա շատ գեղեցիկ այգու տեսք։
Այս մասին այսօր՝ հուլիսի 24-ին, Երևանի քաղաքապետարանի գործակարգավորական խորհրդակցության ժամանակ ասաց փոխքաղաքապետ Տիգրան Ավինյանը՝ անդրադառնալով այգու բարեկարգման աշխատանքներին:
Նա նշեց, որ Մերգելյանի այգու երկու նախագիծ կար և «Ակտիվ քաղաքացի» հարթակում քվեարկության արդյունքով հաղթել է երկրորդ տարբերակը, բայց հաշվի առնելով քաղաքացիների մեկնաբանությունները՝ այգու մի փոքր այլ տարբերակ ենք ունենալու:
«Սրճարանի ծավալները մոտ 50 տոկոսով կրճատվում են և հնարավորինս ավելացնում ենք կանաչապատ հատվածները, ինչպես պահանջել են երևանցիները։ Դրանք նորմալ, բնական պահանջներ էին, որոնք մենք հանձն ենք առնում իրականացնել։
Աշխատանքները պետք է մաքսիմալ արագ անել։ Այո՛, 30 տարի մսի պասաժներով գործող Մերգելյանի այգին վերջապես այս տարվա ընթացքում կստանա շատ գեղեցիկ այգու տեսք»,- ասաց Ավինյանը։
