Ինքնաթիռը կործանվել է Նեպալի Պոխարա քաղաքում, հայտնում է The Kathmandu Post-ը։
Դա տեղի է ունեցել հին և նոր Պոխարա օդանավակայանի միջև։ Yeti Airlines ավիաընկերությանը պատկանող տուրբոպրոպով մարդատար ATR 72-ը Կատմանդուից թռել է Պոխարա։ Ընկերության ներկայացուցչի խոսքով՝ ինքնաթիռում եղել է 68 ուղևոր և անձնակազմի չորս անդամ։
Բանակի խոսնակ Կրիշնա Բհանդարին ավելի ուշ հայտնել է, որ առնվազն 30 մարդ է զոհվել։ Նշվում է, որ կործանված ինքնաթիռում եղել են Ռուսաստանի չորս քաղաքացիներ։
«Մենք ակնկալում ենք ավելի շատ դիեր գտնել: Ինքնաթիռը կտոր-կտոր է եղել»,- ասել է Բհանդարին Reuters-ին:
Օդանավակայանը փակ է, կատարվում են փրկարարական աշխատանքներ։ Վթարի պատճառները հետաքննվում են։
