Հունվարի 2-ին ոստիկանության Շիրակի մարզի պարեկները բացահայտեցին ապօրինի թմրանյութ պահելու և օգտագործելու դեպք: Գյումրիի Աբովյան փողոցում ստուգման նպատակով նրանք կանգնեցրել են 26-ամյա մի տղամարդու վարած «Վոլվո» մակնիշի ավտոմեքենան:
28-ամյա ուղևորը հայտնել է, որ գրպանում մարիխուանա կա: Նա հրավիրվել է ոստիկանության Կումայրիի բաժին, որտեղ ներկայացրել է պոլիէթիլենային տոպրակի մեջ փաթեթավորված մարիխուանայի նմանվող զանգված:
Կազմված փաստաթղթերն ուղարկվել են Շիրակի մարզային վարչություն:
