Ուկրաինան հերթական անգամ կասկածի տակ է դրել Ռուսաստանի հետ խաղաղ բանակցությունների արդյունավետությունը։
«Երբ պատերազմի դաշտում նախաձեռնություն ունես, մի փոքր տարօրինակ է ստանալ այնպիսի առաջարկներ, ինչպիսիք են՝ «չես կարող ամեն ինչի հասնել ռազմական ճանապարհով, պետք է բանակցել», – AFP-ին ասել է նախագահի աշխատակազմի ղեկավարի խորհրդական Միխայիլ Պոդոլյակը։
Նրա կարծիքով, դա կնշանակի, որ Ուկրաինան, «վերադարձնելով իր տարածքները, պետք է կապիտուլյացիայի ենթարկվի պարտվող երկրին»։
Պոդոլյակը հիշեցրել է, որ Մոսկվան «ուղիղ առաջարկներ» չի արել Կիևին խաղաղ բանակցությունների վերաբերյալ՝ նախընտրելով դրանք փոխանցել միջնորդների միջոցով։
——————
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
Ռուսաստանի Դաշնությունում սեպտեմբերի 21-ին մասնակի զորահավաք է հայտարարվել։
