Ոտիկանության լրատվության վարչության պետի տեղակալ, փոխգնդապետ Էդգար Ջանոյանը Iravaban.net-ի հետ զրույցում հայտնեց, որ այսօր Կառավարության 3-րդ մասնաշենքի մոտից բողոքի ակցիայի 111 մասնակից խուլիգանություն կատարելու կասկածանքով բերման է ենթարկվել ոստիկանություն։
Նա նշեց, որ ոստիկանության 3 ծառայող տեղափոխվել է բուժհաստատություն։
Ավելի վաղ հայտնել էինք, որ Կառավարական 3-րդ մասնաշենքի շրջակայքից բերման է ենթարկվել ՀՀ 2-րդ նախագահի որդին՝ Լևոն Քոչարյանը, ՀՀԿ երիտասարդական կազմակերպության նախագահ Հենրիխ Դանիելյանը և անչափահաս քաղաքացներ։
Հիշեցնենք, որ «Դիմադրություն» շարժման մասնակիցներն այսօր՝ մայիսի 30-ին, Կառավարության 3-րդ մասնաշենքի մոտ բողոքի ակցիա իրականացրեցին։ Նրանք նաև պահանջում էին, որ ոստիկանները թույլ տան Ազգային ժողովի ընդդիմադիր պատգամավորները մտնեն շենքի տարածք և հանդիպեն նախարարներին։
Մի քանի րոպե սպասելուց հետո ցուցարարների և ոստիկանների միջև բախում սկսվեց։
