Ֆինլանդիան պաշտոնապես հայտարարել է Հյուսիսատլանտյան դաշինքին (ՆԱՏՕ) միանալու որոշման մասին։ Այս մասին ասված է կառավարության հայտարարության մեջ։
Այժմ որոշումը պետք է հաստատի երկրի խորհրդարանը։
Նախօրեին արտգործնախարար Պեկկա Հաավիստոն ասել էր, որ իրենք նախատեսում են անդամակցության հայտ ներկայացնել չորեքշաբթի օրը։
Ֆինլանդիան և Շվեդիան սկսեցին խոսել Ուկրաինայում ռուսական ռազմական գործողության ֆոնին իրենց երկարաժամկետ չեզոքությունից հրաժարվելու և ՆԱՏՕ-ին անդամակցելու հնարավորության մասին։ Դաշինքի ղեկավար Յենս Ստոլտենբերգը նշել է, որ կազմակերպությունը ողջունում է այս որոշումը և պատրաստ է արագացնել նոր անդամների ինտեգրման գործընթացը։
