Ինչպես ավելի վաղ հայտնել էինք՝ Ֆրանսիայի հրապարակում տեղակայված վրաններից մեկից սրտի կանգով քաղաքացի է տեղափոխվել հիվանդանոց։
ԵՊԲՀ աշխատակազմի ղեկավար Շուշան Դանիելյանի փոխանցմամբ, հիվանդանոցում անմիջապես իրականացվել են անհրաժեշտ բոլոր վերակենդանացման գործողությունները, սակայն, ցավոք, բուժաշխատողների բոլոր ջանքերը եղան ապարդյուն, և գրանցվեց կենսաբանական մահ։
Լրագրողները ԱԺ փոխնախագահ Իշխան Սաղաթելյանից հետաքրքրվեցին դեպքի մասին, սակայն վերջինս նշեց, որ տեղյակ չէ դեպքին։
«Անկեղծ՝ տեղյակ չեմ, ամբող օրը ստեղ եմ եղել, կիմանայի էլի»,-նշեց նա:
