Մարտի 24-ին տեղի ունեցած իրադարձության վերաբերյալ հայտարարել ենք, որ խաղաղապահները փորձում եմ պարզել դեպքի մանրամասները, մենք այսօր այդ մասին խոսել ենք, ՀՀ և ՌԴ նախարարների համատեղ ասուլիսի ժամանակ հայտարարել է Սերգեյ Լավրովը։
Նա հավելել է, որ մինչև վերջ դեպքի մանրամասները նրանց համար պարզ չեն ու չի ուզում առաջ ընկնելով դատողություններ անել։
«Մենք համոզված ենք, որ մեր հայ գործընկերները վստահում են ռուս խաղաղապահներին և նրանց պատասխանատվության կանչելու, ծառայողական քննության անցկացման մասին կոչերը չեն արտացոլում հայ ժողովրդի, ղեկավարության կարծիքը։ Այո, ոչ մեծ դեպքեր տեղի են ունենում, և մարտի 24-ի դեպքի առնչությամբ, ևս մեկ անգամ ընդգծում եմ, մենք փորձում ենք հասկանալ մանրամասները։ Բաներ կան, որոնք պարզաբանման կարիք ունեն»,-նշել է նա։
Հիշեցնենք, որ իրադրությունը Ասկերանի շրջանի Փառուխ և Խրամորթ գյուղերում կտրուկ սրվել է մարտի 24-ին, երբ ադրբեջանական զինուժը խախտել է շփման գիծը Փառուխի ուղղությամբ։
Այնուհետև Ռուսաստանի ՊՆ-ն հայտնել է, որ Ադրբեջանը հետ է քաշել զորքերը Փառուխ բնակավայրից։ Ստեփանակերտը հայտարարում է, որ Քարագլխի հիմնական բարձունքը` ամենաբարձր կետը գտնվում է հայկական կողմի վերահսկողության տակ, սակայն որոշ կարևոր բարձունքներ գտնվում են Ադրբեջանի զինված ուժերի վերահսկողության տակ:
