Ապրիլին շարունակվում է ավելանալ արևի բարձրությունը հորիզոնից և հետևաբար ցերեկվա տևողությունը, սակայն  արևափայլի տևողությունը կազմում է հնարավորի 40-50%, որը բացատրվում է ապրիլին դիտվող զգալի ամպամածությամբ: Օդի ամսական միջին ջերմաստիճանը հանրապետությունում  կազմում է +4.7⁰C, երրորդ տասնօրյակի միջին ջերմաստիճանը կազմում է +6⁰C:

Այս մասին հայտնում են Հիդրոօդերևութաբանության և մոնիթորինգի կենտրոնից։շ

Ամենացուրտն ամսվա առաջին տասնօրյակն է՝ +2.7⁰C (բարձր լեռնային շրջաններում դեռ գրանցվում  է բացասական ջերմաստիճան):

Ապրիլի կեսերին 2000 մետրից բարձր վայրերում դիտվում է օդի օրական միջին ջերմաստիճանի անցումը 0⁰C բարձր, որը համարվում է ձմռան ավարտ, տաք շրջաններում տեղի է ունենում օրական միջին ջերմաստիճանի անցումը 10⁰C բարձր: Ապրիլի առաջին տասնօրյակում բավականին մեծ են ջերմաստիճանային տարբերությունները` միջին ջերմաստիճանը Գեղարքունիքում, Կոտայքում, Շիրակում, Արագածոտնի լեռնային շրջաններում կազմում է +2.5…+3.0⁰C, Լոռիում, Տավուշում՝ +7…+8⁰C, Արարատյան դաշտում և Սյունիքի հովիտներում՝ +10…+12⁰C: Երկրորդ ասնօրյակում միջին ջերմաստիճանը +1.5…+2.0⁰C-ով բարձր է առաջին տասնօրյակի ջերմաստիճանից, սակայն լեռնային շրջաններում  դեռ հնարավոր է ջերմաստիճանի նվազում մինչև  -15…-20⁰C: Երրորդ տասնօրյակի միջին ջերմաստիճանը կազմում է +6.6 ⁰C:

Միջին առավելագույն ջերմաստիճանը Շիրակում գրանցվում է` +17…+20<sup>0</sup>C, Լոռիում` +20…+24⁰C, Տավուշում` +20…+25<sup>0</sup>C, Գեղարքունքիում` +13…+17⁰C, Արարատյան դաշտում` +25…26<sup>0</sup>C, Սյունիքում` +23…+29⁰C:

Բացարձակ առավելագույն ջերմաստիճանը 2008թ ապրիլին  Սյունիքի հովիտներում հասել է +35…+36⁰C Արարատյան դաշտում` +33…+35<sup>0</sup>C, Տավուշում` +29…+30⁰C (Բագրատաշեն  32…34⁰C):

Ապրիլի առաջին տասնօրյակում հովտային շրջաններում գրանցված բացասական ջերմաստիճանը համարվում է ցրտահարություն, որը խիստ վտանգավոր է գյուղատնտեսության համար՝ այստեղ սկսվում է պտղատու ծառերի ծաղկումը, կատարվում է գյուղատնտեսական կուլտուրաների (հացահատիկի, կարտոֆիլի և այլն) ցանքը և տնկումը: 2004թ ապրիլի 5-ի գիշերը, գրանցված նվազագույն ջերմաստիճանները ցածր էին ապրիլին երբևէ գրանցված բացարձակ նվազագույն ջերմաստիճաններից՝ լեռնային շրջաններում գրանցվեց -16…-21⁰C (Մասրիկում`-23<sup>0</sup>C), Լոռիում` -11…-16⁰C, Տավուշում, Արարատյան դաշտում և Սյունիքի նախալեռներում` -5…-10<sup>0</sup>C, Սյունիքի հովիտներում` -2…-4⁰C):

Ապրիլին տեղումների  միջին քանակը կազմում է 77մմ, որը տարեկան տեղումների 12%-ն է: Տեղումների առավելագույն քանակը գրանցվում է լեռնային շրջաններում (Ամբերդ, Գառնհովիտ, Սեմյոնովկա)` 100մմ, Արագածոտնի լեռնային շրջաններում, Կոտայքում, Սյունիքի հովիտներում`  60-80մմ: Համեմատաբար քիչ տեղումներ գրանցվում են Արարատյան դաշտում` 30-50մմ: Ընդ որում այդ քանակը ամսվա ընթացքում բաշխվում է գրեթե հավասարաչափ: Տեղումներով օրերի թիվը կազմում է 10-15 օր: Բարձր լեռնային շրջաններում (2000մ-ից ավելի) տեղումները դիտվում են ձյան կամ թաց ձյան տեսքով: Առատ տեղումներ են գրանցվել 1963, 1978, 1984, 2006, 2007, 2010, 2011թթ.(ամսական նորմայի կրկնապատիկ և եռապատիկ քանակը): Չորային են եղել 1943, 1950, 1970, 1983, 2008, 2012թթ:

Առանձին չորային տարիների Արարատյան դաշտում գրանցվել է տեղումների ամսական նորմայի 1%: Ապրիլին, որպես կանոն, վերանում է ձնածածկույթը՝ բացառությամբ` բարձր լեռնային շրջանների: Յուրաքանչյուր 10 տարվա ընթացքում 1-2 օր հովտային շրջաններում կարող է  ձյուն տեղալ: Օդի հարաբերական խոնավությունը ապրիլին բավական բարձր է՝ 60-75%, Արարատյան դաշտում՝ 55-60%:

Ապրիլին ակտիվանում է ամպրոպային գործունեությունը, հազվադեպ կարող է դիտվել նաև կարկուտ: Ամպրոպով օրերի թիվը միջինը կազմում է 3-5 օր:

Երևան քաղաք

Օդի ամսական միջին ջերմաստիճանը սպասվում է +14…+16⁰C, որը 1-2 աստիճանով բարձր է բազմամյա միջին արժեքից: Առանձին օրեր  հնարավոր է ջերմաստիճանի նվազում՝ գիշերը մինչև +2…+4⁰C,  առանձին օրեր` ջերմաստիճանի բարձրացում ցերեկը՝ մինչև +26…+30⁰C (դիտված պատմական նվազագույն ջերմաստիճանը   -8…-10⁰C, առավելագույնը՝ +34…+35⁰C): Ամսական տեղումների քանակը ենթադրվում է բազմամյա միջին քանակից պակասբ  (նորման 37-51մմ):

Արարատի և Արմավիրի մարզեր, Կոտայքի և Արագածոտնի նախալեռներ

Օդի ամսական միջին ջերմաստիճանը սպասվում է +14…+15⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում՝ գիշերը մինչև +2…+4⁰C, առանձին օրեր` ջերմաստիճանի բարձրացում ցերեկը՝ մինչև +27…+30⁰C (դիտված պատմական նվազագույն ջերմաստիճանը   -8…-10⁰C, առավելագույնը՝ +33…+35⁰C): Ամսական տեղումների քանակը ենթադրվում է բազմամյա միջին քանակից պակաս  (նորման 28-51մմ):

Շիրակի, Գեղարքունիքի մարզեր, Կոտայքի և  Արագածոտնի մարզի լեռնային շրջաններ

Օդի ամսական միջին ջերմաստիճանը սպասվում է +5…+8⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում՝ գիշերը մինչև -2…-5⁰C, ամսվա երկրորդ կեսին` ջերմաստիճանի բարձրացում ցերեկը՝ մինչև +18…+23⁰C (դիտված պատմական նվազագույն ջերմաստիճանը -17…-20⁰C, առավելագույնը՝ +22…+25⁰C): Ամսական տեղումների քանակը ենթադրվում է բազմամյա միջին քանակից պակաս(նորման 61-86մմ):

Լոռու մարզ

Օդի ամսական միջին ջերմաստիճանը սպասվում է +7…+10⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում՝ գիշերը մինչև -2…-6⁰C, ամսվա երկրորդ կեսին` ջերմաստիճանի բարձրացում ցերեկը՝ մինչև +20…+25⁰C (դիտված պատմական նվազագույն ջերմաստիճանը -12…-16⁰C, առավելագույնը՝ +27…+30⁰C): Ամսական տեղումների քանակը ենթադրվում է բազմամյա միջին քանակից պակաս(նորման 63-71մմ):

Տավուշի մարզ

Օդի ամսական միջին ջերմաստիճանը սպասվում է +10…+14⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում՝ գիշերը մինչև +3…+6⁰C, առանձին օրեր` ջերմաստիճանի բարձրացում ցերեկը՝ մինչև +27…+30⁰C (դիտված պատմական նվազագույն ջերմաստիճանը -6…-10⁰C, առավելագույնը՝ +32…+35⁰C): Ամսական տեղումների քանակը ենթադրվում է բազմամյա միջին քանակից պակաս  (նորման 64-67մմ):

Վայոց Ձորի մարզ

Օդի ամսական միջին ջերմաստիճանը սպասվում է նախալեռնային շրջաններում +14…+16⁰C, լեռնային շրջաններում` +5…+8<sup>0</sup>C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում գիշերը՝ նախալեռնային շրջաններում մինչև +2…+5<sup>0</sup>C, լեռնային  շրջաններում՝  -3…-5<sup>0</sup>C, առանձին օրեր` ջերմաստիճանի բարձրացում՝ ցերեկը նախալեռնային շրջաններում +27…+30⁰C, լեռնային շրջաններում՝ +18…+21⁰C (դիտված պատմական նվազագույնը նախալեռնային շրջաններում՝ -7…-10⁰C, լեռնային շրջաններում՝ -15…-18⁰C, առավելագույնը նախալեռնային շրջաններում՝ +33…+35⁰C, լեռնային շրջաններում՝ +22…+25⁰C): Ամսական տեղումների քանակը ենթադրվում է բազմամյա միջին քանակից պակաս(նորման նախալեռնային շրջաններում`  52-53մմ, լեռնային շրջաններում՝ 100-102մմ):

Սյունիքի մարզ

Օդի ամսական միջին ջերմաստիճանը սպասվում է հովտային շրջաններում +14…+17⁰C, նախալեռնային շրջաններում` +8…+10<sup>0</sup>C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է ջերմաստիճանի նվազում գիշերը՝ հովտային շրջաններում մինչև +3…+8<sup>0</sup>C, նախալեռնային շրջաններում՝ 0…-3<sup>0</sup>C, առանձին օրեր` ջերմաստիճանի բարձրացում՝ ցերեկը հովտային շրջաններում +28…+33⁰C, նախալեռնային շրջաններում՝ +20…+25⁰C (դիտված պատմական նվազագույնը հովտային շրջաններում՝ -3…-6⁰C, նախալեռնային շրջաններում՝ -10…-14⁰C, առավելագույնը հովտային շրջաններում +34…+36⁰C, նախալեռնային շրջաններում՝ +25…+30⁰C): Ամսական տեղումների քանակը ենթադրվում է բազմամյա միջին քանակից պակաս (նորման հովտային շրջաններում` 42-80մմ, նախալեռնային շրջաններում՝ 53-104մմ):

Արցախ

Արցախում կանխատեսվում է +14…+17⁰C, որը 1-2 աստիճանով բարձր է բազմամյա միջին արժեքից։ Առանձին օրեր հնարավոր է ջերմաստիճանի նվազում գիշերը՝ մինչև +3…+8⁰C, առանձին օրեր ջերմաստիճանի բարձրացում՝ ցերեկը +28…+33⁰C, (դիտված պատմական նվազագույնը՝ -3…-6⁰C, առավելագույնը՝ +34…+36⁰C)։ Ամսական տեղումների քանակը ենթադրվում է բազմամյա միջին քանակից պակաս (նորման 42-80մմ)։