Հ․Ս․-ն փորձել է ապօրինաբար կյանքից զրկել Կ․Ն․-ին և հղի Ա․Հ․-ին։ Այս մասին Իրավաբան․net-ը տեղեկանում է «Դատալեքս» դատական տեղեկատվական համակարգից։
Նա, ենթադրաբար, 16 տրամաչափի որսորդական ողորկափող հրացանից կրակոցներ է արձակել վերջիններիս ուղղությամբ՝ փորձելով սպանել նրանց, սակայն հանցագործությունն իր կամքից անկախ հանգամանքներով ավարտին չի հասցրել, քանի որ Կ․Ն․-ն իր մոտ գտնվող ռեակտիվ լուսատու փամփուշտ է նետել Հ․ Ս․-ի ուղղությամբ, ով չպարզված անձանց հետ դիմել է փախուստի:
Հ․Ս․-ին մեղադրանք է առաջադրվել։
Երևան քաղաքի ընդհանուր իրավասության դատարանում դատավոր Արտուշ Գաբրիելյանի նախագահությամբ նշանակվել է դատաքննություն։
