Ռուսաստանի նախագահ Վլադիմիր Պուտինը թողել է բռնցքամարտի մարզումները և ըմբշամարտի է գնացել քիթը կոտրելուց հետո: Այս մասին «Լենտայի» փոխանցմամբ՝ պետության ղեկավարը խոսել է «Ռոսիա -1» հեռուստաալիքի եթերում:
«Երրորդ կամ չորրորդ մարզման ժամանակ քիթս կոտրվեց», – հիշել է Պուտինը Կրեմլում օլիմպիական մարզիկներին տված հարցազրույցում: Նրա խոսքով ՝ այն ժամանակ ինքը չի գնացել բժիշկների մոտ, թեև անհնար էր դիպչել քթին: Հետագայում ապագա նախագահը պարզել է, որ կոտրվածք ունի:
Ավելի վաղ Սամբոյի միջազգային ֆեդերացիայի (FIAS) ղեկավար Վասիլի Շեստակովը հայտարարել էր, որ Պուտինը բազմակողմանի անձնավորություն է: Շեստակովը խոստովանել է, որ մարտարվեստը կորցրել է իր «մեծ մարզիկին»:
Ռուսաստանի նախագահը ձյուդոյի և սամբոյի ԽՍՀՄ սպորտի վարպետ է, ինչպես նաև ունի «Ռուսաստանի սամբոյի վաստակավոր մարզիչ» կոչում և Լողի միջազգային ֆեդերացիայի շքանշան: Ըստ Կրեմլի կայքում հրապարակված տեղեկատվության ՝ Պուտինը նաև սիրում է լեռնադահուկային սպորտը և հոկեյը: Ռուս առաջնորդը նախընտրում է ակտիվ հանգիստը՝ ձկնորսություն, ձիավարություն և գետի ռաֆթինգ:
