Կառավարության հերթական նիստի՝ հունվարի 21-ի, օրակարգում է ընդգրկվել Հովհաննես Հարությունյանին Շիրակի մարզպետ նշանակելու որոշումը, որում մասնավորապես ասված է․
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է.
Հովհաննես Հարությունյանին նշանակել Հայաստանի Հանրապետության Շիրակի մարզպետ»:
Նշենք, որ նախկին մարզպետ Տիգրան Պետրոսյանին պաշտոնից ազատելու մասին որոշումը ևս ընդգրկված է օրակարգում։
