Ռուսաստանը պատրաստ է փոխադարձ հարգալից երկխոսության ԱՄՆ նոր վարչակազմի հետ, բայց չի ակնկալում հարաբերությունների կտրուկ բարելավում: Այս մասին «Ռուսաստան -1» հեռուստաընկերության «Կիրակի երեկո Վլադիմիր Սոլովյովի հետ» հաղորդման եթերում հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան:
Այս մասին հայտնում է «ՏԱՍՍ» լրատվական գործակալությունը։
«Մենք կտրուկ բարելավում չենք կանխատեսում, սկզբունքորեն որևէ բարելավում չի կանխատեսվում, քանի որ մարդիկ նույնն են, նրանք չեն փոխել իրենց թեզերը: Մենք բաց ենք նորմալ, փոխադարձ հարգալից երկխոսության համար», – ասել է նա ՝ մեկնաբանելով երկկողմ հարաբերությունների հեռանկարները ԱՄՆ-ում դեմոկրատական նախագահ Ջո Բայդենի իշխանության գալուց հետո:
Նշենք, որ Ամերիկայի նոր նախագահի երդմնակալության արարողությունը նախատեսված է հունվարի 20-ին:
