Թուրքիայի իշխանությունները որոշում են կայացրել պարետային ժամ սահմանել աշխատանքային օրերին՝ նոր տեսակի կորոնավիրուսի դեմ պայքարի շրջանակներում: Այդ մասին երկուշաբթի օրը հայտարարել է հանրապետության նախագահ Ռեջեփ Թայիփ Էրդողանը, փոխանցում է ТАСС-ը։
«Աշխատանքային օրերին սահմանվում է 21: 00-ից 05:00 դուրս գալու սահմանափակում: Պարետային ժամը կգործի նաև ուրբաթ 21:00-ից երկուշաբթի 05:00: Այսպիսով, շաբաթ և կիրակի օրերին մենք բոլորս տանն ենք լինելու», -նշել է Էրդողանը։
Բացի այդ, սահմանափակումներ են դրվում հանրապետության մթերային խանութների և առևտրի կենտրոնների այցելուների քանակի վրա։ Նշված հաստատություններ մուտք գործելիս մարդկանց մոտ սկանավորվելու են QR կոդեր, որոնք կոչվում են «Առողջության կոդեր»:
Էրդողանը հորդորել է Թուրքիայի բնակիչներին զերծ մնալ հյուրեր իրենց տուն հրավիրելուց, ինչպես նաև զերծ մնալ Ամանորը նշելուց:
