Ռուսաստանաբնակ հումորիստ և դերասան Միխայիլ Գալուստյանն իր լսարանին իրազեկել է Արցախի սահմանի ողջ երկայնքով Ադրբեջանի ձեռնարկած լայնածավալ ռազմական գործողությունների մասին ինստագրամյան գրառմամբ:
«Իմ թանկագին ընկերներ, ամբողջ օրը տագնապով նորություններին եմ հետևում, մեր աչքերի առջև խաղաղ բնակչությանն են սպանում:
Նորից պատերազմ է ու Ադրբեջանի կառավարության կողմից կրկին ագրեսիվ գործողություններ են իրականցվում հայ ժողովրդի նկատմամբ ու կրկին ինչ-որ պատասխան գործողությունների ու հակահարվածների կեղծ կարգախոսների ներքո: Հիմարներ չկան:
Սա լավ պատրաստված պատերազմ է, բոլորին առանց այդ էլ ամեն ինչ պարզ է: Զոհվում են մարդիկ, խաղաղ բնակչություն, սարսափելի է: Թուրքիան բացահայտ (նույնիսկ առանց ամաչելու) սատարում է այս պատերազմին:
Դադարեցրեք պատերազմը:
Մենք դեմ ենք պատերազմին:
Հայերը խաղաղության կողմնակից են»,-գրել է նա:
