Իջևանում` ճգնաժամային տեղեկատվական կենտրոնում ընթանում է Արծրուն Հովհաննիսյանի և Տավուշի մարզպետ Հայկ Չոբանյանը ճեպազրույցը:
Արծրուն Հովհաննիսյանը անդրադարձել է «Յաշմա»-ին։
«Սա էլիտար ստորաբաժանում է։ Տրամաբանական է, որ նախկին օրերին ադրբեջանական 3-րդ բանակային կորպուսը և սահմանապահ զորքերը չեն կարողացել իրենց մարտական խնդիրը լուծել և պետք է կիրառվեր էլիտար ստորաբաժանում՝ նախագահի բարձրակոչ հայտարարություններից հետո»,-նշում է նա։
Հովհաննիսյանի խոսքով՝ «Յաշմա»-ն իրենց հատուկ նշանակության բրիգադներից մեկն է, որի բազայի վրա պատրաստվում են Ադրբեջանի հատուկ նշանակության զորքերը։
Նա նշեց, որ այժմ համեմատաբար հանգիստ է սահմանին, սակայն դինամիկան արագ փոխվում է։
