Առողջապահության համաշխարհային կազմակերպության ղեկավար Թեդրոս Հեբրեյեսուսը կոչ է արել մեծացնել Դեքսամետազոնի արտադրությունը կորոնավիրուսով ծանր հիվանդների բուժման համար։ Այս մասին հայտնում է «ՌԻԱ Նովոստին»։
ԱՀԿ ղեկավարի խոսքով՝ դեղամիջոցը ցույց է տվել իր արդյունավետությունը։
«Տվյալները դեռևս նախնական են, սակայն վերջին ուսումնասիրությունները ցույց են տալիս, որ Դեքսամետազոնի ստերոիդային դեղամիջոցը կորոնավիրուսով ծանր հիվանդների կյանքը փրկելու պոտենցիալ ունի, ինչը մեզ ուրախանալու առիթ է տալիս: Հաջորդ մարտահրավերը կլինի արտադրության աճը և ամբողջ աշխարհում դեքսամետազոնի արագ և հավասար բաշխումը»,- ասել է նա։
Մասնագետները պարզել են, որ Դեքսամետազոնը երեք անգամ նվազեցնում է թոքերի արհեստական օդափոխման սարքի կարիք ունեցող հիվանդի մահանալու վտանգը: Իսկ թթվածնի կարիք ունեցողների պարագայում մահվան վտանգը հնգակի է կրճատվում:
