Սյունիքի Մարզի բնակիչ Վաչե Ա.-ը 2019 թվականի սեպտեմբեր ամսին այցելել է իր պապի և տատի գերեզմաններ և հարևանությամբ գտնվող նախկին կնոջ՝ Թ.Ալեքսանյանի խորթ հոր՝ Լ.Համբարձումյանի և նրա ընտանիքի անդամների շիրմաքարերը տեսնելուց հետո նշված ընտանիքի հետ ունեցած միջանձնային լարված փոխհարաբերություններով պայմանավորված՝ թաղման վայրերը անարգանքի ենթարկելու և ուրիշի գույքը ոչնչացնելու հանկարծակի ծագած դիտավորությամբ տեղում գետնից վերցված երկաթյա ամրանի կտորով բազմաթիվ հարվածներ է հասցրել մահացածների գերեզմանների վրա գտնվող շինություններին և առարկաներին՝ ինչի հետևանքով Ա.Համբարձումյանին պատճառվել է 400 հազար դրամ ընդհանուր գնահատմամբ զգալի չափերի վնաս:
Այս մասին տեղեկանում ենք Դատական տեղեկատվական համակարգից:
2019 թվականի նոյեմբերի 7-ին Վաչե Ա.-ի նկատմամբ որպես խափանման միջոց է ընտրվել չհեռանալու մասին ստորագրությունը:
2019 թվականի դեկտեմբերի 26-ին Սյունիքի մարզի ընդհանուր իրավասության դատարանում դատավոր Օհանյանի նախագահությամբ գործը կարճվել է տուժող կողմի բողոքը հետ վերցնելու պատճառով:
