ՀՀ կառավարության օրակարգում արդեն իսկ ընդգրկվել է ՀՀ ոստիկանության գործունեության ոլորտում 20113-2014 թվականի բարեփոխումների ծրագրին հավանություն տալու մասին նախագիծը, որով նախատեսվում է մի շարք կառուցվածքային և բովանդակային փոփոխություններ կատարել ՀՀ ոստիկանական համակարգում:
«Նախագծով նախատեսվում է ՀՀ ամբողջ տարածքում ներդնել համայնքային ոստիկանության ինստիտուտը, ոստիկանության գործունեությունը դարձնել ավելի թափանցիկ, մեձեցնել հասարակաություն-ոստիկանություն կապը, բարձրացնել կոռուպցիայի դեմ պայքարը: Փոփոխությունների համաձայն ոստիկանության ծառայողները կդառնան հատուկ քաղաքացիական ծառայողներ»,– նշում է «Հայաստանն ընդդեմ կոռուպցիայի» ծրագրի ավագ փաստաբան Կարեն Հովհաննիսյանը:
«Նախատեսվող բարեփոխումները ներառում են հետևյալ ոլորտները.
1. Կառուցվածքային և կազմակերպական ոլորտի բարեփոխումներ,
2. Հանցագործությունների դեմ պայքարի արդյունավետության բարձրացմանն ուղղված բարեփոխումներ,
3. Ծառայությունների մատուցման արդյունավետության բարձրացմանն ուղղված բարեփոխումներ,
4. Ոստիկանության աշխատանքային պայմանների բարելավմանն ուղղված բարեփոխումներ,
5. Ոստիկանությունում ծառայող անձանց սոցիալական և իրավական պաշտպանությանն ուղղված բարեփոխումներ»:
Աղբյուրը` Իրավաբան.net
