Ոստիկանապետ Արման Սարգսյանի հրամանով` Շիրակի մարզային վարչության պետ Սևան Քոչարյանը ազատվել է պաշտոնից և նշանակվել Կոտայքի մարզի վարչության պետ։ Այս մասին հայտնում են ոստիկանությունից։
Գյումրու ոստիկանության Մուշի բաժնի պետ Խորեն Բարխոյանը ևս տեղափոխվել է Կոտայքի մարզ։ Նա նշանակվել է Աբովյանի ոստիկանապետ։ Մուշ բաժնի պետ է նշանակվել Ախուրյանի բաժնի պետ Արամ Ղարիբյանը։
Շիրակի մարզային վարչությունը ժամանակավորապես գլխավորում է փոխոստիկանապետ Վահրամ Ենգոյանը։
Լուսանկարում Սևան Քոչարյանն է
