Սիփան Գրիգորյանի հայրը երևի դեմ էր որդու ամուսնությանը կամ հակառակը` որդին էր դեմ ամուսնանալ… ինչևէ, արդյունքում հայրը սպանվեց որդու կողմից:
Հոր` Վ.Գրիգորյանի հետ վիճաբանելով ամուսնության հարցի շուրջ` որդին ապօրինաբար հորը կյանքից զրկելու դիտավորությամբ տանը գտնվող իրեղեն ապացույց հանդիսացող կացնով բազմաթիվ հարվածներ է հասցրել հոր գլխին, որի հետևանքով Վ.Գրիգորյանը մահացել է։
Հոր դիակը և սպանության փաստը թաքցնելու նպատակով Ս.Գրիգորյանը հոր դին փաթաթել է պոլիէթիլենային տոպրակներով, ծածկոցներով, փաթաթել կպչուն ժապավենով և թաքցրել տան ննջասենյակում:
Հաջորդ գիշերը դիակը տեղավորելով Վ.Գրիգորյանին պատկանած ՎԱԶ 2105 մակնիշի 61 ՍԼ 780 համարանիշի ավտոմեքենայում` դիտավորությամբ հրկիզել է ավտոմեքենան և հոր դին:
Հարուցվել է քրեական գործ, Ստեփան Գրիգորյանին մեղադրանք է առաջադրվել և որպես խափանման միջոց կիրառվել կալանավորումը:
Քրեական գործը գտնվում է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի վարույթում:
Աղբյուրը` Իրավաբան.net
