Քիչ առաջ Երևանի ընդհանուր իրավասության դատարանը հրապարկեց ՀՀ նախկին փոխվարչապետ Արմեն Գևորգյանի խափանման միջոցի վերաբերյալ Հատուկ քննչական ծառայության միջնորդության քննության որոշումը:
Դատարանը մերժեց ՀՔԾ-ի միջնորդությունը, նա չկալանվորվեց:
Հիշեցնենք, որ Արմեն Գևորգյանին մեղադրանք է առաջադրվել դատարանի գործունեությանը միջամտելու համար:
Ինչպես արդեն հայտնել էինք, Արմեն Գևորգյանին առաջադրված մեղադրանքն ընդլայնվել է, ինչի մասին փաստաբանը նշեց. «Երեկ նոր մեղադրանք է առաջադրվել՝ Սահմանադրական կարգը տապալը՝ օժանդակությամբ (Քրեական օրենսգրքի 38-300.1 հոդվածի 1-ին մաս), առանձնապես խոշոր չափերով կաշառք ստանալը (Քրեական օրենսգրքի 311 հոդվածի 4-րդ մասի 2-րդ կետ), հանցավոր ճանապարհով ստացված եկամուտները օրինականացնելու՝ այսինքն փողերի լվացման համար (Քրեական օրենսգրքի 190 հոդվածի 3-րդ մաս):
