ՌԴ Արխանգելսկի շրջանի Անվտանգության դաշնային ծառայության շենքում պայթյուն է եղել. այս մասին հայտնում է gazeta.ru-ն՝ հղում անելով «Регион 29»-ին:
Հայտնում են, որ խոշոր պայթյունը տեղի է ունեցել այսօր առավոտյան, ժամը 8:50-ի սահմանում: Ականատեսները պատմել են, որ պայթյունից անմիջապես հետո երկու հոգի դուրս են թռել շինությունից, իսկ ներսից տնքոցների ձայներ են լսվել:
Այս պահին տվյալ շրջանը ոստիկանության և արտակարգ իրավիճակների ծառայության աշխատակիցների կողմից շրջափակված է, տուժողները դուրս են բերվում:
