Կառավարությունն այսօր ընդունեց «Երևանի ավագանու լիազորությունների ժամկետը կրճատելու և ավագանու արտահերթ ընտրություններ նշանակելու ու անցկացնելու, Հայաստանի Հանրապետության ոստիկանությանը գումար հատկացնելու և Հայաստանի Հանրապետության կառավարության 2017 թվականի դեկտեմբերի 28-ի N 1717-Ն որոշման մեջ լրացումներ կատարելու մասին» որոշումը:
Այս որոշման համաձայն՝ կրճատվեցին Երևանի ներկայիս գործող ավագանու լիազորությունները, և Երևանի ավագանու ընտրությունները կազմակերպելու համար 87,6 միլիոն դրամ հատկացվեց ոստիկանությանը: Իսկ Կենտրոնական ընտրական հանձնաժաողը մինչև 40-օրյա ժամկետում կնշանակի ընտրությունների օրը:
Վարչապետ Նիկոլ Փաշինյանն անդրադառնալով ընտրությունների հարցին, ասաց. «Ընտրությունների ազատությունը եւ ժողովրդավարությունը խիստ կարեւոր են: Ես հատուկ ուզում եմ ասել, որ խնդիրները շատ հստակ են ձեւակերպված, ընտրակեղծարարների խմբերը որևէ անելիք չունեն, իսկ եթե մտածում են, որ ունեն, գալիս է իրավապահների արագ արձագանքը։ Ընտրակաշառքի որեւէ դեպք չպետք է գրանցվի, կամ ընտրակաշառք փորձ անող որեւէ անձ չպետք է մնա առաց պատասխանատվության։ Հույս ունեմ, որը որևէ մեկը չի տրվի գայթակղությանը, խոսքը հայտնի խմբերին է վերաբերվում, իսկ եթե իր բախտը փորձելու է, ապա այդ դեպքում օրենքը ասում է, թե ինչպես են իրավապահները գործելու»:
