Նախ և առաջ պետք է նշել, որ «Զբաղվածության պետական ծառայություն» գործակալությունն իր ծառայություններն է առաջարկում աշխատանք փնտրողներին և գործատուներին:
Ծառայությունները բոլոր հաճախորդների համար անվճար են:

Գործատուների համար գործակալությունը մատուցում է հետևյալ ծառայությունները`

1. Աշխատաշուկայի վերաբերյալ տեղեկատվության և խորհրդատվության տրամադրում

2. գործատուի պահանջարկին համապատասխան մասնագետների առաջարկ

3. աշխատանքի տոնավաճառի կազմակերպում

4. բնակչության զբաղվածությունը խթանող ծրագրերի իրականացում:

Աշխատանք փնտրողների համար`

1. Խորհրդատվություն աշխատանք գտնելու հետ կապված հարցերի շուրջ

2.տեղեկատվության տրամադրում թափուր աշխատատեղերի և զբաղվածության ծրագրերի վերաբերյալ

3. միջնորդություն գործատուի մոտ աշխատանք փնտրելիս

4. աջակցություն մասնագիտական կողմնորոշման և վերամասնագիտացման հարցում

5. աջակցություն ձեռնարկատիրական գործունեության նախաձեռնության պարագայում

6. ընդգրկում զբաղվածության ծրագրերում

7. գործազրկության նպաստի նշանակում

8. աշխատանքի տոնավաճառի կազմակերպում

9. աշխատանքի ակումբի կազմակերպում:

Գործակալության կողմից ծառայությունները մատուցվում են բոլոր դիմողներին հավասարապես` անկախ ազգությունից, ռասսայից, սեռից, տարիքից, լեզվից, դավանանքից, քաղաքական կամ այլ հայացքներից, սոցիալական ծագումից, գույքային կամ այլ դրությունից:

Աղբյուրը` Իրավաբան.net