ՎիվաՍել-ՄՏՍ ընկերությունը տեղեկացնում է, որ 2016թ. նոյեմբերի 1-ից մի շարք ծառայություններում տեղի են ունենալու փոփոխություններ։ Ընկերության տարածած հաղորդագրության մեջ ասվում է. «Արխիվացված «Ալո մենք» կանխավճարային սակագնային պլանի շրջանակներում «Իմ աշխարհը» ծառայությամբ դեպի ՎիվաՍել-ՄՏՍ-ի մինչեւ հինգ հեռախոսահամարներին մեկ օր անսահմանափակ զանգեր կատարելու հնարավորություն ընձեռող ծառայության սակագինը կկազմի 50 դրամ՝ մեկ օրվա համար։
Իսկ «Հատուկ համար» ծառայությամբ դեպի ՎիվաՍել-ՄՏՍ-ի հեռախոսահամարին մեկ օր անսահմանափակ զանգեր կատարելու հնարավորություն ընձեռող ծառայության սակագինը կկազմի 20 դրամ՝ մեկ օրվա համար։ «Բարբառ» կանխավճարային սակագնային պլանի շրջանակում տրամադրվող «Ջան-ջան ամսական» ծառայության սակագինը կկազմի 1200 դրամ՝ 30 օրվա համար»։
