ՀՀ կառավարությունն այսօր բացասական եզրակացություն տվեց ՀՀ Ազգային ժողովի պատգամավորներ Հեղինե Բիշար­յա­նի, Մհեր Շահգելդյանի և Հովհաննես Մարգարյանի՝ օրենսդրա­կան նախա­­ձեռ­նու­թյան կարգով ներ­­­կայացրած «Նորաստեղծ ընտանիքներին միանվագ դրամական օգնություն տրամադրելու մա­սին» Հա­­­յաստանի Հանրապե­տու­­թյան օրենքի նախագծի (Պ-1061-19.09.2016-ՍՀ-010/0) վերա­­բերյալ: Ըստ պատգամավորների նախագծի` առաջարկվում է  նորաստեղծ ընտանիքներին տրամադրել միանվագ դրամական օգնության, որի նվազագույն չափը չի կարող պակաս լինել, քան 300.000 դրամը:

ՀՀ կառավարությունը գտնում է, որ ընտա­նիքներին վերաբերող հարցերը ենթական են քննարկման ժողովրդագրական իրավիճակի բարելավման ազգային ծրագրի քննարկումների շրջանակում՝ հաշվի առնելով Հայաստանի Հանրապե­տու­թյան պետական բյուջեի հնարավորությունները:

Ելնելով շարադրվածից` Հայաստանի Հանրապետության կառավարությունը դեմ եղավ ներ­կա­յաց­ված օրենքի նախագծի ընդունմանը:

Կառավարության կարծիքը ներկայացրեց Հա­յաս­տանի Հանրապետության աշխատանքի և սոցիալական հարցերի նախարար Արտեմ Ասատրյանը:

Իրավաբան.net