ՀՀ ոստիկանության ՊՊԾ գնդի տարածքում մտած զինված խումբը քիչ առաջ այրել է գնդի ծառայողական Շեվրոլե ավտոբուսը:
Իսկ նախորդ գիշեր, ոստիկանական ԳԱԶելն-ն այրելուց հետո, նրանք փողոց են հանել անվադող, փամփուշտներ լցրել դողի մեջ և այրել՝ իրական վտանգ ստեղծելով շրջակա տների բնակիչների համար:
Իրավապահ մարմինները դարձյալ կոչ են անում խմբի անդամներին՝ չկատարել գործողություններ, որոնք վտանգավոր են քաղաքացիների կյանքի և առողջության համար ու լարում են մթնոլորտը:
Այս մասին Իրավաբան.net-ը տեղեկացավ ՀՀ ոստիկանության տեղեկատվության և լրատվության վարչության պետ Աշոտ Ահարոնյանից:
