Հալաբյան փողոցում տեղի ունեցած պայթունի հետևանքով «Արմենիա» հանրապետական բժշկական կենտրոնում բուժվող ևս մեկ վիրավոր է այսօր դուրս գրվել հիվանդանոցից: 45-ամյա տղամարդը բուժում էր ստանում քիթ-կոկորդ-ականջաբանության բաժանմունքում: Նա տնային պայմաններում ևս կգտնվի բժշիկների դինամիկ հսկողության ներքո: Հայտնում են առողջապահության նախարարությունից:
«Արմենիա» բժշկական կենտրոնում այս պահի դրությամբ բուժումը շարունակում է 2 քաղաքացի` 1-ը քիթ-կոկորդ-ականջաբանության, 1-ը նյարդավիրաբուժական բաժանմունքներում: Նրանց վիճակը գնահատում է բավարար, բուժումը շարունակվում է:
«Սուրբ Աստվածամայր» բժշկական կենրտոնում գտնվող 14 և 15 տարեկան պատանիների առողջական վիճակը կայուն է: Նրանք տեղափոխվել են հիվանդասենյակ: Ստանում են վերականգնողական բուժում:
