«Ժողովուրդ» օրաթերթն իր այսօրվա համարում անդրադարձել է քառօրյա պատերազմին, մասնավորապես ԱԺ պատգամավոր Մանվել Գրիգորյանի և նրա ենթակայությամբ Արցախ մեկնած թիմի կատարածին:

Թերթում կարդում ենք. «Քառօրյա պատերազմի օրերին և հետո բազմաթիվ երևույթներ ի հայտ եկան, որոնք այլ՝ խաղաղ պայմաններում, թերևս, այդպես էլ չդրսևորվեին:Մասնավորապես, պարզվեց, որ բուն պատերազմից հետո սուր ճոճողների պակաս մենք չունենք:

Սակայն իրադարձությունները հաճախ դուրս են մարդկային երևակայությունից: Օրինակ՝ նախօրեին համացանցում մի հրապարակում տարածվեց այն մասին, թե իբր գեներալ Մանվել Գրիգորյանի զորքը ջախջախել է թշնամուն և անգամ մեկ տանկ ոչնչացրել: Բայց իրականում պարզվում է՝ մարդիկ իրենց համար մարտ են բեմականացրել:

«Ժողովուրդ»-ին տեղեկություններ հասան, որ գեներալ Մանվելի «զորքի» երկու ներկայացուցիչներ, որոնց Գրիգորյանի որդին՝ Էջմիածնի քաղաքապետ Կարեն Գրիգորյանը, «հերոսության» համար մի քանի համբույր էր նվիրել, իրականում հրթիռով խոցել են քառօրյա պատերազմից հետո չեզոք գոտում մնացած, շարքից դուրս եկած մի տանկ: Բայց այս պատմությունը մատուցվեց իբրև թշնամուն «ջախջախելու» թարմ օրինակ:

«Ժողովուրդ»-ը փորձեց տեղեկությունը պարզել ՀՀ ՊՆ խոսնակ Արծրուն Հովհաննիսյանից, որը հայտնեց, թե իր տեղեկություններով՝ ԼՂՀ ՊԲ-ն հերքել է այդ տեղեկությունը՝ հայտնելով, որ «ոչնչացված» տանկը եղել է անսարք, շարքից դուրս եկած, որը գտնվել է չեզոք գոտում»:

Մանրամասներն՝ թերթի այսօրվա համարում:

Իրավաբան.net