«Հայաստանի Հանրապետության կառավարության կառուցվածքի մասին» ՀՀ օրենքում լրացում և փոփոխություն կատարելու մասին» ՀՀ օրենքի նախագծն ընդգրկվել է կառավարության այսօրվա նիստին:
Գործադիրի հերթական նիստին այն կներկայացնի ՀՀ արդարադատության նախարար Արփինե Հովհաննիսյանը, նա ասաց, որ սա քաղաքական որոշման արդյունք է:
Նշվում է, որ նախագծի նպատակն է ապահովել առավել արդյունավետ կառավարման համակարգ: Մասնավորապես, առաջարկվում է տարանջատել արտակարգ իրավիճակների և տարածքային կառավարման ոլորտները:
Նախարարի ներկայացրած մեկ այլ նախագծով կառավարությունն առաջարկեց Հայաստանի Հանրապետության Ազգային ժողովի նախագահին 2016 թվականի փետրվարի 19-ին ժամը 1200-ին գումարել Հայաստանի Հանրապետության Ազգային ժողովի արտահերթ նիստ` քննարկելու համար նշված նախագիծը:
