Իրավաբան.net-ի տոնական հարցերին պատասխանում է Գյումրիում աշխատող փաստաբան Թամարա Յայլոյանը: Նա այս տարվա սկզբին ստանձնել էր Ավետսիայնների սպանության մեջ մեղադրվող Վալերի Պերմյակովի պաշտպանությունը, սակայն կարճ ժամանակ անց հրաժարվել նրան պաշտպանելուց: Հարցազրույցներից մեկում նշել էր. «Ես հասկացել եմ, որ մարդ եմ, կին եմ, որը չի կարող նստել ու լսել, թե ինչպես են երեխա սպանել: Եթե գտնեն, որ դրա համար ինձ պետք է պատասխանատվության ենթարկել, ապա ես պատրաստ եմ դրան»:
-Թամարա, ըստ Ձեզ, ինչո՞վ էր առանձնահատուկ 2015 թվականը` իրավական ոլորտում կատարված փոփոխությունների առումով:
– Առանձնահատուկ էր Նոր սահմանադրության ընդունումը: Չենք կարող չասել, որ այն փոխելու է իրավական համակարգը և դրանով ազդեցիկ դեր կունենա այս ոլորտում. իսկ թե լավ կամ վատ ազդեցւթյուն կլինի, այլ հարց է:
-Ո՞րն էր այն քայլը, որը միգուցե մեծ հարված էր արդարդատության համակարգին:
-Կրկին ու կրկին կոռուպցիան: Պետությունը պարտավոր է միջոց ձերնարկել կոռուպցիայի մակարդակը նվազագույնի հասցնելու համար, սակայն միջոց չձեռնարկելը քայլ է դեպի հետ:
-Ո՞րն էր Ձեզ համար ամենազդեցիկ դատական գործը:
-Բոլոր գործերն էլ, ըստ իս, ազդեցիկ են, քանի որ ազդում են մարդու ճակատագրի վրա` ինչպես անհատապես, այնպես էլ ընդհանուր առմամբ, երբ որոշումները նախադեպ են դառնում:
-Ո՞վ է այն իրավաբանն, ով այս տարի առավելապես աչքի ընկավ իր ազնվությամբ և մասնագիտական լուրջ գիտելիքներով ու հմտություններով:
-Բոլոր փաստաբաններն, ովքեր անդադար պայքարում էին իրենց պաշտպանյալների իրավունքների համար: Բոլորը և մասնավորապես գյումրեցի փաստաբանները, որոնց դժվարին աշխատանքը տեսնում եմ ամեն օր: Գյումրում բոլորն իրար ճանաչում են, և մի փոքր անհաջողությունը կարող է երկար չներվել: Բացի դրանից` մարդիկ սոցիալապես անապահով են և միշտ չէ, որ վճարով ենք աշխատում: Գյումրին կոնսերվատիվ է, պետք է ջանք չխնայես հարգանքի արժանանալու համար, և, ես կարծում եմ, գյումրեցի փաստաբանները պատվով են իրենց գործն անում:
-Աբսուրդային դատական ակտերի հանդիպե՞լ եք այս տարի, որո՞նք էին և ինչու՞:
Աբսուրդն ինձ համար այն էր, որ դատարանում մի գործով փորձում են սեփականության օտարումն հիմնավորել վկաների ցուցմունքներով: Այս գործով ես այժմ վերաքննիչ բողոք են գրում:
-Ամենազավեշտալի դեպքը, որ պատահեց դատարանում:
Զավեշտ էր, որ հաշմանդամ երեխայի մոր վերաբերյալ ազատազրկման ձևով պատիժ նշանակվեց: Դատարանն ավելի մարդասիրական պետք է լինի: (Կինը մեղադրվում էր ապօրինի զենք պահելու և սուտ մատնության համար):
-Ի՞նչ նվեր եք խնդրել Ձմեռ պապիկից:
– Ես միշտ նվեր խնդրում եմ հարազատներիս համար. գիտեմ, որ նրանք էլ ինձ համար են խնդրում։ Խնդրել եմ, որ նրանց երազանքները կատարվեն:
-2016-ից ձեր ակնակալքիներն ու մաղթանքը:
2016 թվականն ուզում եմ ամեն ինչով լավն լինի 2015թվականից: Որպես իրավաբան կավելացնեի` թող հանցագորցությումններ, վեճեր չլինեն, դատավճիռները լինեն արդար, մարդիկ` գոհ ու երջանիկ:
