Մոսկվայում սպանվել է 19-ամյա Աննա Սարգսյանը։ Սպանության մեղադրանքով այսօր երկամսյա կալանքի տակ է վերցվել ադրբեջանցի Էմիլ Զիլֆուղարովը: Ինչպես հայտնում է ռուսական НТВ հեռուստաալիքը, Զիֆուղարովը 2 տարի սիրահարված է եղել Աննային և շարունակ հետապնդել նրան:
Աննայի հայրը մի քանի անգամ ոստիկանություն է դիմել՝ ահազանգելով դստերը սպառնացող վտանգի մասին, սակայն ոստիկանությունըհամապատասխան քայլեր չի ձեռնարկել:
Զիֆուղարովը դասից վերադարձող Աննային մոտեցել է Խաչատուրյանի փողոցին մոտ գտնվող մետրոյի մուտքի մոտ ու դանակի մի քանի հարված հասցրել նրա որովայնին: Տեղադրված տեսախցիկները ֆիքսել են, թե ինչպես է նա դանակի հարվածներ հասցնում աղջկան ու հեռանում՝ թողնելով նրան միայնակ գետնին ընկած: Նշվում է, որ աղջիկը մահացել է մինչը շտապօգնության մեքենայի հասնելը:
Նշվում է նաև, Զիֆուղարովը նույնպես 19 տարեկան է:
