Հաջողության պատմություններ

Անչափահաս երեխան ազատվեց ազատազրկումից

Անչափահաս Է.Սահակյանը ծանր մարմնական վնասվածք էր պատճառել իր եղբորը, ով հոգեկան շեղումներ ուներ և բազմաթիվ անգամներ ծեծի էր ենթարկել և տարբեր աստիճանի վնասվածքներ էր պատճառել մորը, հորը և եղբորը:

 

Աշխատանքային իրավունքը վերականգնված է

Քաղաքացին 2009թ.-ից աշխատել էր դեղատանը` կնքելով աշխատանքային պայմանագիր: Մեկ տարի աշխատելուց հետո քաղաքացին անցել էր ֆիզիոլոգիական արձակուրդի: Որպես արձակուրդի անցած աշխատող` քաղաքացին ամսեկան 18 հազար ՀՀ դրամ գումար պետք է ստանար, որն օրենքով նախատեսված է երեխայի խնամքի համար: Վերոնշյալ նպաստը ստանալու հարցով էլ քաղաքացին դիմել էր սոցիալական ապահովության տարածքային բաժին, որտեղ պարզվել էր, որ դեղատան տնօրենը չէր կատարել համապատասխան սոց.
վճարումներ, ուստի քաղաքացին չէր կարող ստանալ իր հասանելիք գումարը:

«Տեղական տուրքի մասին» ՀՀ օրենքի պահանջը կատարված է

2010 թ-ի հոկտեմբերին Վայոց Ձորի ՇՊԱԿ զանգահարած քաղաքացին կանգնած էր հետևյալ խնդրի առաջ: Նա ցանկանում էր կառուցել սննդամթրքի խանութ, որի տարածքը կազմում էր 18.5քմ և այն ենթակա էր տեղական տուրքով գանձման մինչև 3000 դրամի չափով: Սակայն տեղական տուրք գանձող մարինները քաղաքացուց պահանջել էին վճարել 5000 դրամ տեղական տուրք, այն դեպքում, երբ «Տեղական տուրքի մասին» ՀՀ օրենքի 10-րդ հոդվածի պահանջը բոլորովին այլ է, համաձայն որի «ՀՀ օրենսդրությամբ սահմանված կարգով հաստատված ճարտարապետաշինարարական նախագծին համապատասխան` նոր շենքերի, շինությունների (ներառյալ ոչ հիմնական) շինարարության տեղադրման թույլտվության համար տեղական տուրքը սահմանվում է` մինչև 20 քմ ընդհանուր մակերես ունեցող օբյեկտների համար` մինչև 3000 դրամ»:

Ավտոմեքենայի օրինական գնում

Վայոց Ձորի ՇՊԱԿ դիմած քաղաքացին հայտնել էր, որ սեփականության իրավունքով ձեռք էր բերել ավտոմեքենա և ցանկանում էր ճանապարհային ոստիկանության համապատասխան ստորաբաժանումում մեքենան գրանցել իր անվամբ: Սակայն քաղաքացուց պահանջվել էր սահմանվածից ավել գումար, քան նախատեսված էր օրենքով: