Նորություններ

Ի պատասխան դատարանում տեղի ունեցած աննախադեպ միջադեպի կապակցությամբ փաստաբանների հայտարարությանը

Ուսումնասիրեցի Լոռու մարզի թվով 30 փաստաբանների ստորագրած հայտարարությունը, որում վերջիններն իրենց վրդովմունքն են հայտնում Լոռու մարզի ընդհանուր իրավասության դատարանում 2014 թվականի ապրիլի 11-ին տեղի ունեցած աննախադեպ միջադեպի կապակցությամբ: Ուսումնասիրեցի նշված քրեական գործով փաստաբանների բողոքի առիթները ու տեսեք, թե ինչ է պարզվել:
Ափսոս, որ մինչ հայտարարություն տարածելը չեն ուսումնասիրել ստորև ներկայացվածը:

Գործի քննությունը սկսվել է 24.01.2012 թվականից: Առաջին դատական նիստը հետաձգվել է ամբաստանյալի էտապավորված չլինելու, ինչպես նաև մեղադրողի չներկայանալու պատճառով: Դատական նիստը հետաձգվել և նշանակվել է 09.02.2012 թվականին:

09.02.2012թ., 13.03.2012թ., 21.03.2012թ., 13.04.2014թ. 23.04.2012թ. պաշտպան Արտակ Ոսկանյանը չի ներկայացել նշանակված դատական նիստերին` պատճառաբանելով, որ ծանոթացման համար չի տրամադրվել քրեական գործից առանձին պահվող պաշտպանության միջոցներ կիրառված վկաների ցուցմունքները:

23.04.2012թ. Դատարանը օրենքով սահմանված կարգով դիմել է Հանրային պաշտպանի գրասենյակ` ամբաստանյալին հանրային պաշտպանով ապահովելու համար` դատական նիստը հետաձգելով 27.04.2012թ.:

27.04.2012 թվականին դատական նիստը հետաձգվել է 11.05.2012թ.` դեռևս հանրային պաշտպան նշանակված չլինելու պատճառով:

11.05.2012թ. ներկայացած հանրային պաշտպան Հովսեփ Հովսեփյանի միջնորդության համաձայն գործի նյութերին ծանոթանալու համար դատական նիստը հետաձգվել է մինչև 29.05.2012 թվականը:

29.05.2012 թվականին դատական նիստին չի ներկայացել հանրային պաշտպան Հ. Հովսեփյանը` դարձյալ գրավոր պատճառաբանելով, որ ծանոթացման համար չի տրամադրվել քրեական գործից առանձին պահվող պաշտպանության միջոցներ կիրառված վկաների ցուցմունքները:

Դատարանը դարձյալ դիմել է Հանրային պաշտպանի գրասենյակ` տեղյակ պահելով պաշտպանի չներկայանալու և պաշտպանի մասնակցություն ապահովելու անհրաժեշտության մասին:

Հաջորդ դատական նիստը նշանակվել է 19.06.2012 թվականին, որին դարձյալ հանրային պաշտպան Հ.Հովսեփյանը կամ այլ պաշտպան չի ներկայացել: Դատական նիստը վերանշանակվել է 09.07.2012 թվականին:

Հաջորդող 4 դատական նիստերը հետաձգվել են ամբաստանյալի վատառողջ լինելու և վիրահատական միջամտության անհրաժեշտության կապակցությամբ: 
Այնուհետև պաշտպան Հ. Սահակյանը գրավոր դիմում է ներկայացրել` հայտնելով, որ գտնվում է հերթական արձակուրդում և խնդրում է հետաձգել դատական նիստը: Այդ, ինչպես նաև ամբաստանյալի էտապավորման պատճառով դատական նիստը հետաձգվել է մինչև 05.11.2012 թվականը:

Պաշտպան Ա. Ոսկանյանը գրություն է ուղարկել դատարան` հայտնելով, որ նորից ստանձնում է ամբաստանյալի շահերի պաշտպանությունը, պատրաստ է պատշաճ մասնակցություն ցուցաբերել: Դատարանը հաշվի առնելով նաև հանրային պաշտպանի արձակուրդում գտնվելու հանգամանքը, դարձյալ ներգրավել է փաստաբան Ա. Ոսկանյանին` որպես ամբաստանյալի շահերի պաշտպան:

Հաջորդող նիստերը բնականոն հունով ընթացել են` ընթացքում հետաձգումներ լինելով գործով դատապարտյալների էտապավորման, վկաներին բերման ենթարկելու պատճառներով:

17.07.2013 թվականի նշանակված դատական նիստին պաշտպան Ա. Ոսկանյանը չի ներկայացել` հայտնելով, որ այլ ծանրաբեռնվածություն ունի, դատական նիստը հետաձգվել և վերանշանակվել է 23.07.2013 թվականին:

23.07.2013 թվականին պաշտպան Ա. Ոսկանյանը դարձյալ չի ներկայացել, ամբաստանյաը հայտարարել է, որ հնարավոր է Արտակ Ոսկանյանի պաշտպանությունից հրաժարվի, հաջորդ դատական նիստին կներկայացնի մեկ այլ պաշտպան:

29.07.2013 թվականին դատական նիստը հետաձգվել է` դարձյալ պաշտպան չունենալու պատճառով:

31.07.2013 թվականին ամբաստանյալը հայտարարել է, որ իր ընտրած պաշտպանը չի ներկայացել, քանի որ զբաղված է եղել այլ գործով, հաջորդ դատական նիստին կներկայանա: Գործի քննությունը հետաձգվել և նշանակվել է 15.08.2013 թվականին:

15.08.2013 թվականին դարձյալ չի ներկայացել պաշտպան Ա. Ոսկանյանը` նախապես հասցեագրելով գրություն դատարանին առ այն, որ այլ դատական նիստով է ծանրաբեռնված:

Գործով ներգրավվել է փաստաբան Ռուբեն Հակոբյանը և խնդրել գործի նյութերին ծանոթանալու համար ժամանակ տրամադրել: Գործի քննությունը հետաձգվել և նշանակվել է 03.09.2013 թվականին:

03.09.2013 թվականին նշանակված դատական նիստին չի ներկայացել փաստաբան Ռուբեն Հակոբյանը, դարձյալ ներկայացել է փաստաբան Արտակ Ոսկանյանը և միջնորդել իրեն տրամադրել նախորդ տեղի ունեցած դատական նիստերի արձանագրությունների կրիչները և ժամանակ տրամադրել` դատավորին ինքնաբացարկի միջնորդություն ներկայացնելու համար: Միջնրդությունը բավարարվել է և դատական նիստը հետաձգվել է:
12.09.2013 թվականին պաշտպան Ա. Ոսկանյանը գրություն է ուղարկել դատարան և հայտնել, որ գտնվում է արձակուրդում:

Երկու դատական նիստից հետո պաշտպանը չի ներկայացել նաև 05.11.2013 թվականին և 12.11.2013 թվականին նշանակված դատական նիստերին:

15.11.2013 թվականին նշանակված դատական նիստի ժամանակ մեղադրողը գրավոր միջնորդել է դատարան հրավիրել և հարցաքննել պաշտպանության միջոցներ կիրառված վկաներին` դահլիճից հեռացնելով ամբաստանյալին և պաշտպանին: Պաշտպան Ա. Ոսկանյանը միջնորդել է ժամանակ տրամադրել մեղադրողի գրավոր միջնորդությունը ուսումնասիրելու և առարկություն ներկայացնելու համար: 
Գործի քննությունը հետաձգվել է 22.11.2013թ. այդ օրը դատական նիստում մեղադրողը միջնորդել է թույլատրել ծանոթանալու պաշտպանության միջոցներ կիրառված վկաների ցուցմունքներին, որի պատճառով նիստը հետաձգվել է:

29.11.2013 թվականին պաշտպանը միջնորդել է ժամանակ տրամադրել դատավորին ինքնաբացարկի միջնորդություն ներկայացնելու համար: 04.12.2013 թվականին պաշտպանը գրություն է ուղարկել դատարան` պահանջելով դատական նիստերի ձայնագրություններ, գործի նյութերի պատճենահանումներ:

Նույնը պնդել է 05.12.2013 թվականին և միջնորդել դատական նիստը հետաձգել` պատրաստվելու համար:

Նիստը հետաձգվել և նշանակվել է 11.12.2013թ., որի ժամանակ պաշտպանի միջնորդությունների հիման վրա հետաձգվել և նշանակվել է 13.12.2013թ.:

13.12.2013 թվականին պաշտպան Ա. Ոսկանյանը չի ներկայացել դատական նիստին` գրավոր հայտնելով, որ միջնորդում է հետաձգել դատական նիստը, քանի որ ինքը մեղադրանքը հերքող ապացույցներ հավաքելու համար դիմել է համապատասխան մարմինների: Դատարանը գրավոր պարզաբանել է, որ միջնորդությունները քննարկվում և լուծվում են դատական նիստում, հետևաբար անհրաժեշտ է ներկայանալ դատական նիստին:
Դատական նիստը նշանակվել է 17.12.2013 թվականին, որին պաշտպանը չի ներկայացել` հայտնելով, որ ծանրաբեռնված է այլ դատական նիստով:

Դատական նիստը վերանշանակվել է 25.12.2013 թվականին և միևնույն ժամանակ, 20.12.2013 թվականի գրությամբ հերթական անգամ տեղյակ է պահվել ՀՀ փասատաբանների պալատին` փաստաբան Ա. Ոսկանյանի տարբեր պատճառներով պարբերաբար դատական նիստերին չներկայանալու մասին, որպեսզի նրա պատշաճ մասնակցությունը ապահովելու համար միջոցներ ձեռնարկվեն:

25.12.2013 թվականին նշանակված դատական նիստին դարձյալ չի ներկայացել փաստաբան Ա. Ոսկանյանը` հայտնելով, որ այլ դատական նիստ ունի: 
Նիստը վերանշանակվել է 28.12.2013 թվականին, որին դարձյալ պաշտպանը չի ներկայացել: 
Նիստը դարձյալ վերանշանակվել է 13.01.2014 թվականը, որին դարձյալ պաշտպանը չի ներկայացել: 
Ապա 29.01.2014 թվականին նշանակված հերթական նիստի ժամանակ պաշտպանը, միջնորդությունը մերժելու համար ի նշան բողոքի, լքել է դատկաան իստերի դահլիճը:

03.02.2014 թվականին նշանակված դատական նիստի ժամանակ դարձյալ չի ներկայացել պաշտպանը:
Փաստաբանի նկատմամբ բազմաթիվ անգամներ կիրառվել են սանկցիաներ: 
Դատարանը դարձյալ դիմել է Հանրային պաշտպանի գրասենյակ` ամբաստանյալին հանրային պաշտպանով ապահովելու համար:

13.02.2014 թվականին նշանակված դատական նիստին չի ներկայացել ոչ պաշտպան Ա. Ոսկանյանը և ոչ էլ հանրային պաշտպան:

19.02.2014 թվականին նշանակված դատական նիստին դարձյալ հանրային պաշտպան չի նշանակվել:

27.02.2014 թվականին նշանակված դատական նիստին դարձյալ պաշտպան Ա. Ոսկանյանը չի ներկայացել:

05.03.2014 թվականին նշանակված դատական նիստին ներկայացել է հանրային պաշտպան Մելս Ղարգյոզյանը և գործի ամբողջ նյութերին ծանոթանալու համար միջնորդել տրամադրել 3 ամիս ժամանակ: Դատարանը միջնորդությունը բավարարել է մասնակի, նրան տրվել է մեկ ամիս ժամանակ և դատական նիստը հետաձգել, վերանշանակվել է 09.04.2014 թվականին:

Հարց է առաջանում, արդյոք պաշտպանների կողմից նման գործելաոճով արհեստականորեն չի խոչընդոտվում արդարադատության իրականացմանը և արդյոք չի ոտնահարվում ամբաստանյալի` ողջամիտ ժամկետներում իր վերաբերյալ գործի քննությւան իրավունքը:

 

Գրառումը` ՀՀ դատական դեպարտամենտի Միջազգային համագործակցության և հասարակայնության հետ կապերի ծառայության պետ Արսեն Բաբայանի ֆեյսբուքյան էջից

Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել