Հունիսի 30-ին՝ ժամը 17-ի սահմաններում, ահազանգ է ստացվել՝ Աջափնյակ վարչական շրջանի Լենինգրադյան 30շ. բնակարաններից մեկում տղամարդու դիակ հայտնաբերելու մասին։ Անմիջապես դեպքի վայր է մեկնել քննչական-օպերատիվ խումբը՝ Աջափնյակ և Դավթաշեն վարչական շրջանների քննչական բաժնի պետ Սահակ Գրիգորյանի գլխավորությամբ։
ՀՀ-ի քննչական կոմիտեի հասարակայնության և կապի բաժնից Իրավաբան.net-ին փոխանցում են ,որ բնակարանում հայտնաբերվել է նույն տան բնակիչ, 1967թ. ծնված Ֆրունզ Բադալյանի դիակը՝ աջ և ձախ նախաբազուկների շրջանում կտրած բազմաթիվ վնասվածքներով, ևս մեկ խորը կտրած-ծակած վնասվածք՝ պարանոցի շրջանում։
Դեպքի վայրի զննությամբ հայտնաբերվել է մոտ 35 սմ երկարությամբ որսորդական տիպի դանակ՝ արյան հետքերով, և գրություն՝ ստորագրությամբ, ըստ որի՝ հիվանդության պատճառով կատարել է ինքնասպանություն, ինչի համար խնդրում է որևէ մեկին չմեղադրել։
Կատարվում է քննություն:
«Խնդրում եմ չմեղադրել ոչ մեկին». երկտող՝ ինքնասպանությունից առաջ
