Ժառանգության հետ կապված խնդիրները բազմաթիվ են։ Պրակտիկայում շատ խնդիրներ են հանդիպում՝ հիմնականում բաց են թողնվում ժամկետները և այլն։
Այս մասին Iravaban.net-ի հետ զրույցում ասաց «Բեսթ Սոլյուշնս» փաստաբանական գրասենյակի փոխտնօրեն Աստղիկ Անտոնյանը։
«Անձի մահից հետո, սահմանված 6 ամսյա ժամկետում չեն դիմում, մտածելով, որ իրենք են ժառանգները և ինքնաբերաբար պետք է ժառանգությունը իրենց անցնի։ Հարգելիության հետ կապված խնդիրներ են առաջանում, ինչպես նաև ժառանգների միջև առաջանում են գույքի բաժանման հետ կապված խնդիրներ։
Ժառանգության ընդունման համար պետք է դիմել անձի մահից հետո 6 ամսյա ժամկետում, ընդ որում, այս պայմանը պարտադիր է ոչ միայն ըստ օրենքի ժառանգների, այլև այն ժառանգների համար, որոնք ըստ կտակի են»,-նշեց Աստղիկ Անտոնյանը։
Հավելեց՝ մեր հասարակությունում կա թյուր կարծիք, որ եթե անձը ունի կտակ, ուրեմն այլևս անհրաժեշտ չէ դիմել նոտարի, ժառանգությունը ընդունել, որովհետև կտակի փաստով արդեն իսկ ընդունվել է․ «Հարկ է նկատել, որ ժառանգությունը կարող է ընդունվել նաև փաստացի տիրապետման եղանակով․ անձը ժառանագուի մահից հետո 6 ամսվա ընթացքում պետք է իրականացնի այդ գույքի պահպանման, հոգ տանելու ծախսերը»։
Մանրամասները՝ տեսանյութում։
