Վարչապետի աշխատակազմի իրավաբանական և պետաիրավական վարչությունների փորձագիտական աշխատանքներում մինչև 1 տարի ժամկետով ներգրավելու նպատակով հայտարարվում է թեկնածուների դիմումների ընդունելություն:
Դիտարկվելու են թե իրավաբանական բարձրագույն կրթություն ունեցող, թե իրավագիտություն մասնագիտությամբ ավարտական կուրսերում սովորողների թեկնածությունները՝ համապատասխան վարձատրությամբ (140,000-220,000 դրամ) աշխատանքներում ներգրավելու համար:
Ինքնակենսագրությունները և կրթությունը հավաստող փաստաթղթերն (առկայության դեպքում) անհրաժեշտ է մինչև 2025 թվականի սեպտեմբերի 10-ը ուղարկել [email protected] էլեկտրոնային հասցեին՝ «թեմա» դաշտում պարտադիր նշելով՝ «փորձագետ-իրավաբան»։
Ինքնակենսագրությունների ուսումնասիրման արդյունքում կկազմվի կարճ ցուցակ, որում ընդգրկված թեկնածուների հետ կանցկացվի հարցազրույց կամ փորձնական աշխատանք։
Վարչապետի աշխատակազմի իրավաբանական և պետաիրավական վարչությունների գործառույթները սահմանված են ՀՀ վարչապետի 2018 թվականի մայիսի 25-ի N 564-Լ որոշմամբ։
