Առողջապահական և աշխատանքի տեսչական մարմինը՝ ի պատասխան Iravaban.net-ի՝ էլեկտրոնային դեղատոմսի վերաբերյալ հարցմանը, նշել է, որ մարտի 1-ից մինչ այսօր՝ թվով 9-ը ընկերություններում, այդ թվում՝ 1 դեղատնային ցանցում՝ թվով 49 դեղատանը գրացվել է խախտում՝ էլեկտրոնային առողջապահական համակարգի միջոցով էլեկտրոնային դեղատոմսերի բաց թողնման կարգի մասով։
Վերոնշյալ խախտումների համար տնտեսվարող սուբյեկտները ենթարկվել են վարչական տույժի․ դեղատոմսով բաց թողնվող դեղերի՝ առանց դեղատոմսի իրացումը առաջացնում է տուգանքի նշանակում՝ յուրաքանչյուր անվանմամբ դեղի համար՝ սահմանված նվազագույն աշխատավարձի հնգապատիկի չափով:
«Տեղեկացնում ենք, որ տնտեսվարող սուբյեկտները պետք է պահպանեն դեղատոմսեր գրելու, դեղեր բաց թողնելու կարգը, դեղատոմսերի ձևերը, ինչպես նաև դեղերի և դեղանյութերի հաշվառման կարգը սահմանելու պահանջները»,-ասված է հարցման պատասխանում։
