«Մեր երիտասարդներից Հովհաննես Հարությունյանը, որը հայրենիք ունեցող, հավատքով, նվիրումով մարդ էր, պայքարի մարտիկ, հակառակ բոլոր ջանքերի, որոշեց մեկնել այս աշխարհից։ Եկեք մեր մեղավոր աղոթքներով նրան երկնքի արքայության խնդրանք ներկայացնենք, որպեսզի Աստված Հովհաննեսին լույսերի մեջ պահի»,-այսօր Գավառի եկեղեցում Բագրատ Սրբազանը անդրադարձել է Հովհաննես Հարությունյանի անժամանակ մահվանը։
Ավելի վաղ հայտնել էինք, որ մահացել է «Երիտասարդի ձայնը» նախաձեռնության հիմնադիր, ակտիվիստ Հովհաննես Հարությունյանը։
